不得不说，

《乘风破浪》呢个节目

真係太识拿捏观众心思啦！

上周啱被网友吐槽完

二公舞台造型堪称“车祸现场”，

浪费嗮姐姐们的颜值。

今个礼拜就速速放出

“时光派对”团建，

让姐姐们进行复古改装，

嚟番场养眼变装秀。

80年代影楼婚纱风、

90年代disco风、浓妆港风、

千禧年混搭风……

要靓有靓，要搞笑有搞笑。

/////////

真係随随便便搭配，

都比二公嘅清一色“蘑菇头”

要有睇头得多！

而提前放出嘅三公预告

亦喂观众食咗粒“定心丸”，

目前见到嘅舞台造型

都颜值在线、各有特色，

睇嚟节目组妆造水准

真係回归正常了啵~

三公的到来意味着赛程过半，

为咗避免观众审美疲劳，

节目组都按惯例喺

赛制上搞搞新意思。

首先係推选新队长

打乱各队成员重新组队。

除咗连任嘅谭维维、

于文文、郑秀妍三位队长，

王心凌、徐梦桃

两位姐姐都以超高人气

被选为新队长。

跟住由五位队长

限时在线去“抢”队员。

“争抢”过程中虽然

少不了一番“勾心斗角”，

不过经历咗一段时间相处，

大部分姐姐都係

“双向奔赴”咁选择组队。

好似“分开”多时嘅Twins

面对其他想做“新欢”嘅姐姐们

“如狼似虎地挑拨离间”时，

速速Mark实对方，

想睇佢哋合体演出嘅

观众们也终于得以圆梦啦~

初任队长嘅王心凌，

选队友时几乎冇被拒绝过，

（毕竟谁能拒绝甜妹咧）

选阿Sa自动获得一个阿娇，

完成两大青春情怀的组队。

跟住再成功收下

人气不俗兼唱跳俱佳嘅

张天爱、吴谨言。

虽然选歌时

未能选到心头好曲目，

but如此要情怀有情怀

要人气有人气嘅

王牌阵容都真係冇得输。

而另一位新队长徐梦桃

就冇咁顺利了，

直球式邀请频频被婉拒，

不过在第二轮“抢人”时

意外地一口气包圆4位成员。

选歌嗰阵也很幸运地

在复杂赛制中“捡漏”

最抢手嘅唱跳曲目《11》，

简直係自带“欧皇”体质。

最终三公分组情况如下，

唔知你心水嘅姐姐们

有冇组队成功？

除咗五个新队伍，

宁静、那英

仲各组咗个助攻战舞台。

其中又见Eason饮歌，

频繁“云出席”《声生不息》之后，

又要嚟到“浪姐3”舞台“登场”

可能因为经费去嗮

买《孤勇者》版权，

三公整体选曲依然一言难尽，

而且花哩花碌嘅选歌规则，

竟然几乎令全体姐姐

都选唔到自己嘅心水曲目。

郑秀妍组

一整队长腿御姐美女

要去唱静态的伤情歌，

冇得show舞姿。

一手王牌嘅王心凌组，

连失两个可以炸场嘅舞台，

最后只能选择《星星点灯》，

简直係“天意弄人”。

最反差要数于文文嗰组，

三个乐队酷姐，

最后被迫穿旗袍跳柔舞，

自嘲最“硬汉”嘅一组

要去跳最妩媚的舞。

练习嗰阵，

“肢体僵硬”嘅赵梦

甚至冇即学即跳嘅

Kenn老师跳得婀娜多姿。

强行搞“突破”

虽然係有啲痛苦，

不过话唔定都会有

意想不到的惊喜咧？

MORE

今日娱乐看点

谭咏麟糖妹加盟声生不息

《声生不息》又有新嘉宾啦~

第五次主题竞演嘅

特邀嘉宾係谭咏麟同糖妹！

唔知佢哋会带来

乜嘢新惊喜？

宋轶要变“宋铁”？

宋轶作客下期

《向往的生活》，

双马尾甜妹接到嘅任务

竟然係焊铁？

着最可爱嘅衫

做最有技术的活，

今次真係要变“宋铁”了。

电视剧《薄冰》杀青

沉浮谍海，踏冰潜行，

由彭冠英、陈钰琪、

富大龙、高瀚宇等主演嘅

电视剧《薄冰》今日官宣杀青，

最新释出嘅角色海报

充满特工谍战氛围感！

资料来源：综艺截图、微博

网络信息综合整理

编辑：陈祉伶

*文中图片版权归原作者所有，

如涉及侵权请联系，立即删除

扫描下方二维码订阅

【微店】可乐生活小店

【淘宝】羊晚生活馆

【邮政】中国邮政微邮局

▼

>>>

一次过get可乐报详细内容

羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。

官方微信号：靓仔可乐君（handsomecolor）